கடலூர் நகரிலும் அதன் சுற்றுப்புறத்திலும் நடக்கும் அனைத்து முக்கிய நிகழ்வுகளும், அனைத்து பொது பிரச்சனைகளும் இந்த தளத்தில் காணலாம், கடலூர் மாவட்டத்தை பற்றி பல அரிய தகவல்களை தெரிந்துகொள்ளலாம்
ஜனநாயக வாலிபர் சங்கத்தினர் கடலூரில் ஆர்ப்பாட்டம்
இந்திய ஜனநாயக வாலிபர் சங்கத்தினர் கடலூரில் புதன்கிழமை கருப்புக் கொடியுடன் ஆர்ப்பாட்டம் நடத்தினர். தமிழகத்தில் படித்துவிட்டு வேலை இல்லாமல் 55 லட்சம் பேர் இருக்கும்போது, ஓய்வு பெற்றவர்களை மீண்டும் அரசுப் பணியில் அமர்த்தக் கூடாது. போக்குவரத்து, மின்சாரம், வங்கிகள் உள்ளிட்ட பல்வேறு துறைகளில் காலியாக இருக்கும் லட்சக்கணக்கான பணியிடங்களை நிரப்ப வேண்டும். சேதுக்கால்வாய் திட்டத்தை விரைந்து நிறைவேற்ற வேண்டும் உள்ளிட்ட கோரிக்கைகளை வலியுறுத்தி இந்த ஆர்ப்பாட்டம் நடந்தது. மாவட்ட ஆட்சியர் அலுவலகம் முன் நடந்த ஆர்ப்பாட்டத்துக்கு, இந்திய ஜனநாயக வாலிபர் சங்க கடலூர் மாவட்டத் தலைவர் என்.எஸ்.அசோகன் தலைமை தாங்கினார். மாவட்டச் செயலாளர் ஜே.ராஜேஷ் கண்ணன், பொருளாளர் வி.ராமகிருஷ்ணன், துணைச் செயலாளர்கள் ஆர்.அமர்நாத், பி.வாஞ்சிநாதன் உள்ளிட்ட நிர்வாகிகள் கலந்து கொண்டனர்.
ஆக்கம்
கடலூர் எழில்
கட்டுகள்
கடலூர்
இதற்கு குழுசேர்:
கருத்துரைகளை இடு (Atom)
கருத்துகள் இல்லை:
கருத்துரையிடுக